महराजीले अ’पराध गर्नुभएको होइन – प्रचण्ड

दाङ । नेकपाका अध्यक्ष पुष्पकमल दाहाल प्रचण्डले निवर्तमान सभामुख कृष्णबहादुर महराले नैतिक गल्ती गरेको बताएका छन । प्रेस संगठन दाङले आयोजना गरेको पत्रकार सम्मेलनमा प्रचण्डले त्यस विषयमा आफूलाई सही सूचना नदिएर महराले झनै गल्ती गरेको टिप्पणी गरे ।

“महराजीले अ’पराध त गर्नुभएको होइन, तर नैतिक त्रुटी गर्नुभएकै हो । घ’टना सुन्नासाथ मैले नारायणकाजी श्रेष्ठ र जोगबहादुर महरालाई के भएको हो भनेर बुझ्न पठायौं । तर उहाँले सही कुरा बताउनु भएन । म आफैं जाँदा पनि उहाँले सही कुरा बताउनुभएन । यो उहाँको अर्को गम्भिर ग’ल्ती भयो,” उनले भने ।

उनले अदालतले फैसला प्रक्रिया थालिसकेको विषयमा पार्टीको लिडरसीपले त्यसलाई राजनीतिकरण गर्नु उचित नभएकको बताउँदै उनले अदालतलाई सघाउन महरालाई आग्रह गरे ।

फरक प्रसंगमा प्रचण्डले भारतले हालै सार्वजनिक गरेको नक्सामा नेपाली भूमि आफ्नोतिर पारेको विषयमा सरकारले कूटनीतिक पहल शुरु गरिसकेको जानकारी दिए । उनले आफ्नो भारत भ्रमणका क्रममा भारतीय प्रधानमन्त्रीलाई यो विषयमा कुरा भनेको स्मरण समेत गराए ।

त्यस्तै प्रचण्डले परिवर्तन विरोधीहरु सलवलाउँदा, शान्ति प्रक्रिया विरुद्ध निर्णयहरु हुँदा र जनतासँग जोडिएका सवालहरुमा उनीहरुको साथ दिँदा फरक माहोल बनाउनका लागि बेलाबेलामा आन्दोलनको कुरा गरेको बताए ।