मेरो नजरमा आलम निर्दाेष, महरा सगरमाथाको शिखरमा पुगेर लात्ताले हा’नेर खसालेको जस्तो: नेता सिटौला

काठमाडौं। प्रमुख प्रतिपक्षी नेपाली कांग्रेसका प्रभावशाली नेता कृष्णप्रसाद सिटौलाले इटा भट्टामा जि’उँदै मान्छे ज’लाएर मा’रेको अभियोगमा मुद्दा खेपिरहेका पार्टीका निलम्बित सांसद मोहम्मद अफताम आलम निर्दाेष रहेको जिकिर गरेका छन्।

पत्रकार श्रीराम पौडेलकाे अन्तर्वार्तामा नेता सिटौलाले आलममाथिको अभियोग अविश्वसनीय भएको टिप्पणी गरे। ‘मलाई उहाँ (आलम)ले त्यत्रो ज’घन्य अ’प’राध गर्नुभयो भन्ने कुरा कदाचित विश्वास हुन सकिरहेको छैन। मेरो नजरमा उहाँ निर्दाे’ष हुनुहुन्छ’, सिटौलाले आफ्नो स्पष्ट धारणा सुनाए, ‘लामो समयपछि यो घ’टनाबारे जून कुराहरु आएका छन् यसले मलाई आश्चर्यमा पारेको छ। अब अदालतको अन्तिम निर्णयलाई पर्खिनुपर्छ।’

रौतहटकै नेता माधव नेपाल प्रधानमन्त्री हुने तथा आलम मन्त्री हुँदा पनि यति ठूलो घ’टना लामो समयसम्म गुपचुप रहनु आफैंमा आश्चर्यको कुरा भएको उनको भनाई छ।

‘माधव नेपाल प्रधानमन्त्री हुनुभयो। उहाँकै क्याविनेटमा आलम मन्त्री हुनुभयो। साथै उहाँहरु एउटै जिल्लाको हुनुहुन्छ। यो बीचमा धेरै प्रधानमन्त्री भए, अहिले मात्रै यो मुद्दा जसरी अगाडि आयो यसले मलाई लाग्दैन कि यो घटना आलमले गरेका हुन्’, सिटौलाले भने, ‘आश्चर्य लागेको छ। सरकारले जे भन्छ त्यहीँ सत्य हुँदैन। कानुन, अदालतले भन्ला।’

सरकारले अदालतमा मुद्दा लगेको र अदालतले के गर्छ अहिले भन्न नसकिने बताउँदै उनले थपे, ‘अदालतको अन्तिम फैसला नभएसम्म निर्दोष आँखाले हेर्छाैं। हाम्रो पार्टीको सांसद भएकाले मेरो सहानुभूति छ।’

यो घटना हुँदा गृहमन्त्री समेत रहेका सिटौलाले आफूलाई कुनै जानकारी नआएको पनि दाबी गरे। ‘त्यसबेला यो घटना गृह मन्त्रालयमा आएकै छैन, अहिले मलाई सोधपुछका लागि बोलाएको छैन, बोलाउनु आवश्यक छैन जस्तो लाग्छ। किनकी यो घटना प्रहरीसँग सम्बन्धित हुन्छ’, उनले थपे।

नेता सिटौलाले ब ला त्कार प्रयासको अभियोग मुद्दा खेपिरहेका निवर्तमान सभामुख कृष्णबहादुर महरालाई ष’डय’न्त्रपूर्वक फसा’इएको संकेत गरे। महरालाई नर्भिक अस्पतालमा आफूले भेटेको जानकारी दिँदै गिरफ्तारी, राजीनामा, हिरासत, विरामी अवस्थामा सहानुभूति व्यक्त गरेको बताए।

‘उहाँ मेरो नजिकको मित्र हो। शान्ति प्रक्रियाका क्रममा म सरकारी वार्ता टोलीको संयोजक, उहाँ वि’द्रोही माओवादी टोलीको संयोजकका रुपमा विस्तृत शान्ति सम्झौता, ल’डाकु समायोजनमा काम गर्यौं’, उनले भने, ‘उहाँको बारेमा भन्दा सगरमाथाको शिखरमा पुगेर ला’त्ताले हा’नेर खसालेको, बाटो विराएर लडेको मान्छेजस्तो लाग्छ। आफ्नो साथी अप्ठे’रोमा पर्दा भेट्न गए। मानवीय कर्तव्य निर्वाह पुरा गरे।’

नेता सिटौलाले महरालाई अदालतले पुर्पक्षका लागि थु’नामा पठाउँदा दुःख लागेको बताए। ‘त्यो घटनामा हो/होइन भन्ने एकिन गर्ने आधार छैन। जसरी महिलाको बयानबाजी वक्तव्य फरक फरक ढंगले आइरहेको छ, त्यसबाट विश्वास गर्ने आधार छैन। अदालतमा पनि महिलाको बयान टेस्ट होला। बकपत्र गराउला। बाँकी अदालतले भन्ला’, उनले भने।

महराले गल्ती गरेको र षड’यन्त्रपूर्वक फ’साइएको कुरा आफूले सोच्न नसकिरहेको भन्दै सिटौलाले थपे, ‘गल्ती हो भने कसरी गर्नुभयो होला? षड’यन्त्र हो भने यत्रो दुइतिहाइ कम्युनिस्ट सरकार छ?’, उनले प्रश्न गरे, ‘तर पनि उहाँप्रति मेरो सहानुभूति छ।’