‘पृथ्वीनारायणको देवत्वकरण र दानवीकरण दुवै आवश्यक छैन’- बाबुराम भट्टराई

काठमाडौं– जनता समाजवादी पार्टी (जसपा)का संघीय परिषद्का अध्यक्ष एवं पूर्वप्रधानमन्त्री बाबुराम भट्टराईले पृथ्वीनारायण शाहको देवत्वकरण र दानवीकरण गर्नु आवश्यक नरहेको बताएका छन्।

पृथ्वीनारायण शाहको ३ सयौं जन्मजयन्तीको दिन सामाजिक सञ्जालमार्फत उनले उक्त विचार राखेका हुन्। पृथ्वीनारायण शाह इतिहासको आवश्यकता र आकस्मिकताका उपज भएको उनको भनाइ छ। उनले सामाजिक सञ्जालमार्फत समाजवादी रूपान्तरणको नयाँ युगमा बहुजातीय केन्द्रीकृत राज्यलाई संघीय पुनर्संरचना गनर्स आवश्यक रहेको बताएका छन्।

‘पृना शाहको देवत्वकरण र दानवीकरण दुवै नगरौं! उनी इतिहासको आवश्यकता र आकस्मिकताका उपज हुन्,’ सामाजिक सञ्जालमा बाबुरामले लेखेकका छन्, ’कविलाई समाजको पहिले सामन्ति केन्द्रीकरण भएर नै पछि पुँजीवाद जन्मने हो। अब समाजवादी रूपान्तरणको नयाँ युगमा बहुजातीय केन्द्रीकृत राज्यलाई संघीय पुनर्संरचना गर्नैपर्छ भन्ने बुझौं। चुरो कुरो यो हो!’