मलेसियामा कोरोना संक्रमितको संख्या १६२४ पुग्यो, १५ को मृत्यु

क्वालालम्पुर। मलेसियामा कोरोना भाइरस संक्रमित संख्या दिनानुदिन बढ्दै गईरहेको अवस्था छ। मार्च १८ देखि ३१ सम्म मलेसिया सरकारले ‘लकडाउन’ घोषणा गरेपनि कोरोना संक्रमित दिनदिनै बढ्दै गईरहेको छ।

मलेसियामा सबैभन्दा बढी संक्रमित क्षेत्र भनेको राजधानी क्वालालम्पुर, जोहोर बाहरु, क्वान्तन, तेलुक इन्तान, र मलक्का रहेको छ। दिनकै लगभग २ सयको हाराहारीमा संक्रमित संख्या बढिरहेको छ।

यो समाचार तयार पार्दा सम्म मलेसियामा कोरोना भाइरस संक्रमितको संख्या जम्मा १६२४ पुगेको छ भने १८३ जना निको भएर घर फर्किसकेका छन्। १ हजार ४२६ जना अस्पतालमा उपचारार्थ छन्। अहिलेसम्म १५ जनाको मृत्यु भैसकेको छ।

अधिकांश कोरोना भाइरस संक्रमित मलेसियाका लोकल मान्छेहरु रहेका छन्। अहिलेसम्म कुनै नेपालीमा यो असर देखिएको छैन।

मलेसियामा सरकारको मार्च १८ देखि ३१ सम्म १८ दिनको ‘लकडाउन’ घोषणाले जनजीवन प्रभावित बनेपनि देसी तथा विदेशी कामदार सबै मिलेर कोरोना भाइरसविरुद्ध लड्न सबैले नियमको पालना गरेर मलेसियालाई साथ् दिइरहेका छन्।

यदि लकडाउन अवधिमा पनि कोरोना नियन्त्रणमा ल्याउन सकेन भने लकडाउनको समयावधि अप्रिल १५ तारिखसम्म लम्ब्याइने सम्भावना रहेको छ।