कोरोनाविरुद्धको अर्काे खोप विकसित गरेको चिनियाँ दाबी

एजेन्सी। चीनले काेराेना भाइरसविरुद्धको अर्काे खोप (भ्याक्सिन) विकसित गरेको दाबी गरेकाे छ।​ राेयटर्सकाे रिपाेर्ट अनुसार चाइना नेशनल बायोटेक ग्रुप (सीएनबीजी ले आइतबार यसकाे जानकारी दिएकाे हाे।

​रिपाेर्ट अनुसार याे खाेप मान्छेमा पनि परीक्षण गरिएकाे छ। पहिलाे परीक्षणमा खाेप सुरक्षित देखिएकाे छ। चाइना नेशनल बायोटेक ग्रुपले कोरोनाविरुद्धको दाेस्राे खाेप तयार गरेकाे हाे। यही कम्पनीले यसअघि वुहानकाे युनिटमा एक अर्काे खाेप तयार गरेकाे थियाे।

सीएनबीजीले यसबारे चिनियाँ सामाजिक सन्जाल विच्याटमा पनि जानकारी दिएकाे हाे। क्लिनिकल ट्रायलकाे फेज १/२ मा १ हजार १ सय २० जना स्वस्थ्य मानिसमा खाेप परीक्षण गरिएकाे थियाे। खाेप परीक्षण गरिएका व्यक्तिमा उच्च मात्रामा एन्टिबडीज पैदा भएकाे दाबी गरिएकाे छ।

राेयटर्सकाे रिपाेर्ट अनुसार चिनियाँ कम्पनीलाई हालसम्म ८ खाेप क्यान्डिटलाई मान्छेमा परीक्षणकाे अनुमति दिइएकाे छ। खाेप परीक्षण गर्दा पहिलाे र दाेस्राे चरणकाे सफल नतिजा आएमा तेस्राे चरणमा अझ परीणाममुखी हुनुपर्दछ।

तेस्राे चरणमा हजाराैँमा खाेपकाे परीक्षण गरिन्छ। र तेस्राे चरणमा पनि सफल नतिजा आएमा आममानिसका निम्ति खाेप दिन अनुमति दिइन्छ।